Ë BASHKU PËR AHMEDIN – Zhupa dhe Podgori mblodhën 10.644,46 € dhe 210 CHF

SFALEMINDERIT ZHUPË DHE PODGOR!

“Shëmbëlltyra e atyre që e shpenzojnë pasurinë e vet në rrugën e Allahut është si ajo e një kokrre që mbin shtatë kallinj, në secilin kalli ka nga njëqind kokrra. Allahu ia shton shpërblimin edhe më tepër kujt të dojë. Allahu është Mirëbërës i madh dhe i Gjithëdijshëm.”
(El-Bekare, 261)

Të nderuar bashkëqytetarë,

Aksioni humanitar “SË BASHKU PËR AHMEDIN”, i organizuar nga Shoqata “Put Jedinstva” me qëllim të mbledhjes së ndihmës financiare për trajtimin e Ahmed Bajramit, ka përfunduar me sukses.

Gjatë aksionit, koordinatorët, vullnetarët tanë dhe shumë njerëz me zemër të madhe punuan së bashku për t’i ofruar mbështetje Ahmedit dhe familjes së tij në këto momente të vështira.

Falë mirësisë, solidaritetit dhe vetëmohimit tuaj, janë mbledhur këto mjete:

Mjetet e mbledhura sipas fshatrave:

📍 Planjan – 1.471 € + 10 CHF
📍 Gornje Selo – 327,90 €
📍 Mushnikovë – 1.219 €
📍 Drajçiq – 295 €
📍 Novo Selo – 686,50 €
📍 Lubinja e Poshtme – 1.183,80 €
📍 Manastiricë – 1.325 € + 190 CHF
📍 Jabllanicë – 363,01 €
📍 Lubizhdë – 1.180,25 €
📍 Skorobisht – 770 €
📍 Nebregosht – 358 € + 10 CHF
📍 Reçan – 1.465 €

💚 GJITHSEJ TË MBLEDHURA: 10.644,46 € + 210 CHF 💚

Ky aksion nuk ishte vetëm mbledhje e mjeteve financiare. Ishte një mundësi për të treguar se sa të rëndësishme janë bashkimi, solidariteti dhe kujdesi për njëri-tjetrin.

Falënderim të veçantë u shprehim të gjithë donatorëve, koordinatorëve, vullnetarëve dhe banorëve të cilët me kohën, mundin dhe mbështetjen e tyre vetëmohuese kontribuuan në suksesin e këtij aksioni.

Faleminderit çdo personi që dha kontributin e tij, shpërndau thirrjen tonë ose bëri dua për shërimin e Ahmedit. Çdo kontribut, pavarësisht madhësisë së tij, kishte rëndësinë e vet të veçantë.

Zhupa dhe Podgori edhe një herë treguan fuqinë e bashkimit dhe gatishmërinë për të qëndruar pranë bashkëqytetarit të tyre atëherë kur ai ka më së shumti nevojë për ndihmë.

E lusim Allahun e Madhërishëm që ta pranojë çdo kontribut tuajin vullnetar, t’ju shpërblejë për të mirën që keni bërë dhe t’ju dhurojë shëndet, bereqet dhe lumturi juve dhe familjeve tuaja.

Në veçanti e lusim Allahun që Ahmedit tonë t’i dhurojë shërim të plotë, t’ia lehtësojë trajtimin dhe t’i japë forcë atij dhe familjes së tij.

Faleminderit që ishit pjesë e kësaj historie humane.

❤️ SË BASHKU PËR AHMEDIN!